-3.2 C
Prizren
E diel, 5 Shkurt, 2023

Isa Mustafa me një mori kritikash për qeverinë Kurti: Është bërë rob i së kaluarës!

Ish-kryeministri dhe ish-lideri i Lidhjes Demokratike të Kosovës (LDK), Isa Mustafa, ka folur për qeverinë e Albin Kurtit gjatë vitit që sapo e lamë pas.

Isa Mustafa ka thënë se qeveria është promovuar si një qeveri e ndryshimeve, por që realisht nuk ndodhi të jetë e tillë, pasi akoma vuan nga paragjykimet e së kaluarës.

“Kjo qeveri u promovua si qeveri e ndryshimeve dhe aq më shumë si qeveri e shpresës, por ndryshimi pozitiv nuk ndodhi në asnjë fushë, kurse shpresa po vazhdon e pashuar, sidomos te militantët e saj. Është qeveri e cila nuk ka treguar aftësi dhe gjeturi të shikojë përpara dhe të merret me të ardhmen, por është bërë rob i së kaluarës, qoftë i qëndrimeve të saj rigjide politike, qoftë i paragjykimeve për qeverisjet e kaluara. Qeveri e logjikës represive, e cila mburret me të dhënat për arrestimet, në vend që të krenohej me të dhënat për përmirësimin e jetës së qytetarëve”, ka thënë Mustafa për “Zërin”.

Sipas Mustafës, gjatë vitit 2022 Qeveria e udhëhequr nga Albin Kurti më së shumti ka dështuar në bashkëpunimin me partnerët strategjikë, por edhe ka çaluar dhe është kthyer mbrapa në shëndetësi, arsim dhe ekonomi.

“Kësaj qeverie i kanë munguar prioritetet, nuk ka qenë e fokusuar në asnjë fushë, e cila do ta identifikonte kursin e saj qeverisës. Ka dështuar absolutisht në bashkëpunim me partnerët strategjikë dhe në punët e jashtme. Ka çaluar ose edhe është kthyer mbrapa në shëndetësi dhe në arsim. Inflacioni e ka menaxhuar qeverinë e jo qeveria inflacionin. Kanë rënë investimet publike, kurse vlera e mjeteve buxhetore është zhvlerësuat, duke mos u përdorur”, ka thënë Mustafa.

Më Shumë

Haradinaj kujton të rënët në Rogovë: Rënia e tyre u bë frymëzim për ne

Kryetari i Aleancës për Ardhmërinë e Kosovës (AAK), Ramush Haradinaj ka kujtuar ngjarjet e para 24-viteve në Rogovë të Hasit.  Haradinaj ka kujtuar datat 27,...

Kurti përkujton dëshmorët në Rogovë të Hasit, Vraniq, Bishtazhin e Gadish

Në 24- vjetorin e masakrës në fshatin Rogovë të Hasit, kryeministri i vendit, Albin Kurti, ka përkujtuar 21 dëshmorët, luftëtarë të Ushtrisë Çlirimtare të...

Lajmet e Fundit