Ndonëse kishte deklaruar se këtë javë do të shpërbëhet Parlamenti, kryetari i Lidhjes Demokratike të Kosovës, Isa Mustafa, së fundmi ka thënë se këtë javë nuk pret që kjo të ndodh. Sipas tij, shpërbërja e Parlamentit do të ndodh pas miratimit të Ligjit për Zgjedhjet dhe zgjatjes së mandatit EULEX-it.
Ndërkaq, duke folur për Gjykatën Speciale, sipas KosovaPress, kryetari i LDK-së, Isa Mustafa ka thënë se është çështje që nuk mund të negociohet, pasi kanë pasur dy alternativa ,të themelohet nga Kuvendi i Kosovës apo nga Këshilli i Sigurimit të OKB-së, me inicimin e Rusisë.
Ai tha se kanë marr përgjegjësinë dhe janë përcaktuar që Kuvendi të themelojë këtë Gjykatë e mos t’i lihet OKB-së.
Ndërsa për EULEX-in ka thënë se nuk nevojë që të kundërshtohet sepse “ka bërë një punë të mirë, duke u marr me atë pjesë të cilën nuk ka mundur të merret gjyqësori vendor”.
Kur ka folur për zgjedhjet, tha se duhet të mbahen tash, e jo të shtyhen në shtator, sepse sipas tij, do të ishte një zhgënjim për qytetarët/Telegrafi/