Kjo ndërhyrje sipas një hulumtimi nga Iniciativa për Progres, ka ndodhur nga kryetarët e komunave të Deçanit, Gjakovës, Klinës, Mitrovicës së Veriut, Podujevës, Prizrenit dhe Suharekës.
Por, kjo është mohuar kategorikisht nga kryetari i komunës së Deçanit Bashkim Ramosaj dhe ish-kryetari i komunës së Prizrenit Mytaher Haskuka.
Ramosaj tha për Klankosova.tv se pretendimet e INPO-s janë plotësisht të pavërteta.
Ai ftoi që me këtë raport të merret prokuroria.
“Është plotësisht e pavërtetë. Janë gënjeshtra. Për t’i vërtetuar pretendimet e këtij raporti duhet të merret prokuroria”.
E Haskuka tha se kjo organizatë ka agjendë politike prapa vetës.
“Kjo organizatë ka agjendë politike prapa vetës. Kjo organizatë nuk dihet se kah i siguron fondet, është një organizatë plotësisht jotransparente”.
“Le të më tregojnë këta se si i kanë bërë matjet këta”.