Grupi i militantëve islamik të Shtetit Islamik (IS) ka publikuar një tjetër video, në të cilën pretendohet të jetë ekzekutuar, sërish me prerje koke, gazetari tjetër amerikan i marrë peng, Steven Sotloff, siç bën të ditur Grupi i Inteligjencës SITE.
Videoja e pretenduar vjen vetëm pak javë pasi ISIS publikoi një tjetër të tillë, në të cilën shfaqej ekzekutimi i gazetarit amerikan James Foley. Në atë video, ISIS kërcënoi se viktima e radhës do të ishte Sotloff.
Sekretari për shtyp i Shtëpisë së Bardhë, Josh Earnest, ishte në mesin e njoftimeve të përditshme në konferencën me gazetarët, kur doli lajmi i ri i kobshëm.
Ai tha se administrata Obama duhet të punojë për ta konfirmuar autenticitetin e kësaj videoje të dytë.