Shumë mbretër kanë pasur shumë gra dhe shumë fëmijë, kurse ata që janë mjaft këmbëngulës në kërkime, mund të zbulojnë se mund të kenë ndonjë paraardhës mbretëror. Këta yje e dinë që në veten e tyre kanë edhe gjak “blu”.
Sipas gjenelogut, Nick Barat, Johnny Depp është një kushëri i mbretëreshës Elizabeth II, në brezin e 20-të, pasi të dytë e ndajnë një të afërm të përbashkët. Kushërira e largët e Johnny-it ishte Margaret Percy, e cila ishte bija e Earl-it të tretë të Northumberland-it, një pasardhës i mbretit Edward III.
Edhe Paris Hilton është kushërira e mbretëreshës, Elizabeth II, në brezin e 20-të, nga ana e babait të saj, Rick-ut. Paraardhësi i tyre i përbashkët është Henry II, i cili kishte disa fëmijë dhe ishte i martuar me Eleanor-ën nga Aquitaine.
Michael Douglas është një kushëri i mbretëreshës, Elizabeth II, në brezin e 19-të, nga ana e mbretit të Anglisë, Edward III. Emri i mbretit Edward është përmendur shumë herë dhe për këtë ekzistojnë shkaqe të arsyeshme. 
Edward III kishte tetë bij dhe secili prej tyre kishte një fëmijë me një nga anëtarët e familjeve mbretërore si: Tudors dhe Lancaster. Përveç kësaj, ai kishte edhe gjashtë vajza, ku shumica prej tyre ishin martuar në familje mbretërore.