6.8 C
Prizren
E hënë, 27 Mars, 2023

Jahjaga dhe Nishani vlerësojnë marrëdhëniet ndërmjet dy vendeve

Jahjaga e Nishani-dubrovnikPresidentja e Republikës së Kosovës, Atifete Jahjaga, u takua sot në Dubrovnik të Kroacisë, me Presidentin e Republikës së Shqipërisë, Bujar Nishani, me të cilin bisedoi për zhvillimet aktuale në rajonin e Ballkanit në përgjithësi.

Jahjaga dhe Nishani vlerësuan marrëdhëniet ndërmjet dy vendeve dhe theksuan nevojën e konkretizimit të platformave të bashkëpunimit, në veçanti në fushën e ekonomisë, duke u bërë shembull i bashkëpunimit në rajonin e Ballkanit.

Ata thanë se pjesëmarrja e vendeve të rajonit, në cilësi të barabarta, në nismat rajonale, ndihmon gjithë Ballkanin Perëndimor ne rrugën e tij evropiane dhe siguron fqinjësinë e mirë si dhe stabilitetin rajonal. Ata thanë se procesi i Bërdo-Brioni është një nismë shumë e mirë, që siguron përfshirjen edhe të BE në projektet e përbashkëta të vendeve të rajonit në fushën e infrastrukturës dhe të energjisë.

Ata biseduan edhe për zhvillimet e tjera politike në Kosovë dhe Shqipëri.

Jahjaga dhe Nishani, së bashku me presidentët e vendeve të tjera të rajonit, po marrin pjesë në Samitin Bërdo-Brioni që mbahet në Dubrovnik të Kroacisë, me mikpritjen e Presidentit Ivo Josipoviq si dhe me pjesëmarrjen e kancelares së Republikës Federale të Gjermanisë zonjën Angela Merkel. /PrizrenPress.com/

Më Shumë

Manchester United kërkon adoleshentin e Brighton

Adoleshenti i Brighton, Evan Ferguson do të jetë në listën e ngushtë të Manchester United këtë verë, sipas Football Insider. Ferguson, 18 vjeç, ka shënuar...

Tri ditë para dasmës i vdiq babai, Totaj: Cermonia e dasmës u shndërrua në cermoni mortore

Kryetari i Prizrenit, Shaqir Totaj, ka pasur një rrëfim tejet personal dhe emocional në emisionin “Kendiv”. Ai foli për familjen, sfidat, momentet e lumtura...

Lajmet e Fundit