18.2 C
Prizren
E enjte, 24 Prill, 2025

Merkel premton mbështetje për të ardhmen evropiane të Kosovës

Markel-JahjagaPresidentja e Kosovës, Atifete Jahjaga ka marrë pjesë në procesin e Brdo-Brijon në Dubrovnik të Kroacisë së bashku me ministrin e Jashtëm të Kosovës, Enver Hoxhaj, që mbledh presidentët dhe ministrat e jashtëm të vendeve të Ballkanit Perëndimor.

Në këtë ngjarje ndër më të mëdhatë politike në Ballkan që ka nisur në vitin 2013 në Brdo, ka marrë pjesë edhe Kancelarja e Gjermanisë, Angela Merkel e cila ka ofruar mbështetjen e saj për këto vende në perspektivën e tyre evropiane.

Ndër temat kryesore të një takimi të gjatë kokë më kokë të Kancelares Merkel me krerët dhe ministrat e jashtëm të shteteve të Ballkanit është folur për infrastrukturën dhe energjinë duke theksuar potencialin e madh që ka rajoni.

Presidentja Jahjaga ka thënë se “përparimi drejt BE-së duhet të kushtëzohet nga vullneti ynë për t’i transformuar vendet tona dhe për t’i normalizuar marrëdhëniet midis shteteve tona”.

Nga ana e saj, edhe Kancelarja Merkel ka ofruar mbështetjen e shtetit gjerman për të ardhmen euroatlantike të Kosovës, duke përmendur shembullin e mirë të dialogut ndërmjet Kosovës dhe Serbisë.

Në një takim të veçantë, ministri Hoxhaj ka takuar edhe ministrin e Jashtëm slloven, Karl Erjavec dhe ministrin Shtetëror për Çështje Evropiane të Francës, Harlem Desir, me të cilët ka folur për MSA-në, vizat dhe çështjet bilaterale.

Një ditë më herët, Hoxhaj ka marrë pjesë në Samitin 100 të liderëve të biznesit që po ashtu është mbajtur në qytetin e vjetër të Dubrovnikut.

Më Shumë

Mot me diell dhe vranësira të shpërndara – temperaturat nga 5 deri në 20 gradë Celsius

Sot mbi vendin tonë do të mbajë mot me diell dhe vranësira te shpërndara. Sipas parashikimit të Institutit Hidrometeorologjik të Kosovës, temperatura minimale do të...

Një leksion nga Sarajeva

Shfaqja “Të gjashtët kundër Turqisë”, e cila nuk po lejohet të jepet në Prizren, u dha në Sarajevë – përkundër presonit të madh politik....

Lajmet e Fundit