Kryetari i Prizrenit, Ramadan Muja, javën e ardhshme do të mbajë takim publik me qytetarë. Zëdhënësi i Komunës, Ymer Berisha njoftoi se në këtë takim kryetari Muja do të raportojë për punën e këtij viti, si dhe do të debatojë me qytetarët.
“Me 17 dhjetor 2014 (e mërkurë ) do të mbahet tubimi publik i Kryetarit të Komunës me qytetarët e Komunës së Prizrenit, në sallën për mbledhje të Kuvendit të Komunës, duke filluar nga ora 11:00”, njoftoi Berisha.
“Në këtë takim kryetari Muja do të raportojë për punën e periudhës janar – dhjetor të vitit 2014”.
Sipas tij, në këtë takim para qytetarëve do të raportojnë edhe drejtorët e Ekzekutivit
“Ftohen të gjithë qytetarët e interesuar, përfaqësuesit e mjeteve të informimit dhe OJQ-të që të marrin pjesë në këtë tubim”/PrizrenPress.com/