Dy javë para fundit të kampionatit, Juventus shpallet kampion i Italisë.
Bardhezinjtë fituan në fushën e tyre me rezultatin e pastër 2-0 me Sampdorian, duke u shkëputur me 7 pikë nga Interi i vendit të dytë, për të siguruar matematikisht trofeun.
Golat për Juventusin u shënuan nga Ronaldo në minutat shtesë të pjesës së parë dhe Bernardeschi në të 67’ (Ronaldo humbi një 11-metërsh në fundin e takimit).
Ky ishte titulli i 9-të radhazi për “Zonjën e Vjetër’ dhe i 36-ti në historinë e klubit më të titulluar në Itali përsa i përket kampionateve.