Kryetari i LDD-së në Prizren, Lulëzim Kabashi ka kërkuar nga lideri i PDK-së Hashim Thaçi, që të formojë sa më shpejt Qeverinë “Muja III” në Prizren.
“Është në dorën e kreut të PDK-së në Prishtinë, se kur do të formohet Qeveria e re lokale në Prizren, prandaj kërkojë që një gjë e tillë të ndodh sa më shpejt për shkak të shumë punëve që na presin për t’u shërbyer interesave të qytetarëve”, tha Kabashi për TV Prizrenin.
Koalicioni AAK-LDD në balotazhin e 1 dhjetorit kanë hyrë në koalicion me PDK—në.
Kabashi pret që të zyrtarizohet dhe respektohet marrëveshja për bashkëqeverisje me komunën e Prizrenit.
Sipas kësaj marrëveshje,koalicioni AAK-LDD do të ketë postin e nënkryetarit dhe 4 drejtori.
Burimet e “PrizrenPress”-it bëjnë të ditur se kryetari Ramadan Muja dhe lideri i PDK-së, Hashim Thaçi tashmë janë përcaktuar për emrat e rinj të drejtorëve të Ekzekutiovit.
”Emrat e drejtorëve të rinj do të publikohen javën e ardhshme”, tregon burimi.
Sipas të njëtit burimi Qeveria “Muja III”, do të përbëhet me emra të rinj të drejtorëve./PrizrenPress.com/