Kandidati për kryetar të Prizrenit nga koalicioni AAK-LDD, Lulzim Kabashi, bashkë me kryetarin e AAK-së, Fatmir Kastratin, dhe bashkëpuntorë të tjerë, ka prezantuar planprogramin e tij për qeverisjen e Prizrenit para strukturës të nëndegës “24 maji”. Qytetarëve të kësaj ane, Kabashi u premtoi se Prizreni do të ndryshojë shumë për katër vitet e ardhshme, dhe se rëndësi e veçantë do t’i kushtohet punësimit të të rinjëve të cilët janë të papunë.
Gjithashtu, Lulzim Kabashi ka mbajtur takim edhe me struktura dhe qytetarë të lagjes “Bajram Curri” në Prizren. Ai tha se do të kërkoj auditim gjeneral për punën dhe parregullsit që janë bërë gjatë tetë viteve të kaluara.
“Si kryetar i ardhshëm i Prizrenit, fillimisht do të kërkoj auditim gjeneral për punën dhe parregullsit që janë bërë gjatë tetë viteve të kaluara, duke theksuar se ai dhe kuvendi komunal do të jetë transparentë për qytetarët, me një fjalë të vetme gjatë katër viteve të ardhshme, Prizreni do bashkëqeverisë me qytetarët prizrenas”, tha Kabashi
Kurse, kryetari i AAK-së, Fatmir Kastrati, në këtë takim tha se Prizreni ka nevojë për ndryshime.
“Ndryshimet do të ndodhin me zgjedhjen si kryetar të komunës së Prizrenit, kandidatin e koalicionit AAK-LDD, Lulzim Kabashi”, tha Kastrati.
Kabashi është takuar me disa aktivistë të lagjes “Arbana”. Ai potencoi se në planprogramin e tij qeverisës, rëndësi e veçantë do ti kushtohet zhvillimit ekonomik, duke theksuar se do të luftojë edhe korrupsionin dhe depolitizimin e arsimit./PrizrenPress.com/