Ndonëse qeveria vendosi t’i lejojë vizitat në muzetë në ambiente të mbyllura, vizitorët e Kalasë së Prizrenit nuk e patën fatin ta vizitojnë muzeun.
Punëtorët e angazhuar në këtë objekte të trashëgimisë kulturore nuk janë paguar me muaj të tërë e nuk patën motiv të dalin në punë as sot, tha udhëheqësi i projektit të kalasë, Shafi Gashi.
Kalaja e Prizrenit mbetet objekti më i frekuentuar nga vizitorët brenda dhe jashtë Kosovës.
Shafi Gashi nga Instituti Arkeologjik i Kosovës, tha se dita e parë e lirimit të masave dhe e lejimit të vizitave në muze e galeri e gjen muzeun e kalasë së qytetit të mbyllur për arsye se punëtorët nuk janë paguar.
“Stafi që nga dhjetori i vitit të kaluar nuk është pagu”, tha ai për RTK’në.
Sipas Gashit, muzeu i kalasë së Prizrenit është prej më të mirëve në rajon dhe ka artefakte shumë interesante për tu prezantuar.