Kandidatët e PDK-së për deputetë vizituan artistët e Teatrit Profesionist të Prizrenit

Kandidatët e PDK-së për deputetë të Kuvendit të Kosovës janë takuar sot me artistët e Teatri Profesionist të Prizrenit.

Ministri në largim i Kulturës dhe Sportit, Kujtim Gashi tha se vazhdimisht ka bërë përpjekje që artistët të trajtohen dinjiteteshëm .

“Për mua gjithmonë është kënaqësi takimi me artistët, ndërsa kënaqësi e dyfishtë takimi me artistët e Teatri Profesionist të Prizrenit”.

“Si Kryesues i Kuvendit Komunal kam bërë përpjekje maksimale që teatri Profesionist i Prizrenit dhe aktorët të kenë trajtim dinjitoz”.
“Kur mora drejtimin e Ministrisë së Kulturës, komunitetin e artistëve e gjeta në greva si pasojë e mospërkujdesjes së duhur dhe injorimit nga institucionet përkatëse. Pas një pune dhe përkushtimi të përbashkët, shumë nga kërkesat e tyre i adresuam dhe bëmë zgjidhje”.

“Si Ministër i Kulturës bashkë me drejtorët e Teatrove të qyteteve kryesore të Kosovës, me aktorët e me përfaqësuesit e Sindikatës së Teatrove të Kosovës jemi angazhuar në dokumentin, i cili teatrot e qyteteve të Kosovës do t’i trajtojë me ligj të ri”.
“Kjo nismë duhet të finalizohet në qeverinë e re me kryeministër Kadri Veselin. Teatrot e qyteteve meritojnë trajtim shumë më dinjitoz”.