3.8 C
Prizren
E enjte, 1 Dhjetor, 2022

Kapet banda shqiptare e drogës në Spanjë, arrestohen 11 persona, ja vendi sekret ku fshihnin heroinën

Policia Kombëtare dhe Garda Civile spanjolle publikuan dje zyrtarisht të dhënat duke iu referuar operacionit “Garfio-Trunko” që ka çuar në zbërthimin e një bande shqiptare.

Banda i dedikohej trafikut të drogës dhe transportonte lëndë narkotike nga Madridi me makina të pajisura me ndarje të fshehura.

Agjentët kapën 13 kilogramë heroinë, si dhe sekuestruan gjashtë makina.

Njëmbëdhjetë të dyshuar janë arrestuar, në atë që është tashmë operacioni më i madh kundër drogës në A Coruña këtë vit.

Hetimi nisi në fillim të vitit, kur agjentët gjetën një individ që shiste sasi të konsiderueshme heroine.

Pak nga pak ata zbuluan kanalet e tyre të shpërndarjes. Në korrik ata ndaluan një makinë, por ndarja ishte aq e fshehur sa u detyrua të drejtohej në Shërbimin e Mbikëqyrjes Doganore, e cila ka aparate me rreze X, për të lokalizuar dhjetë kilogramët heroinë që kishte brenda.

Pak nga pak, ata gjetën të gjitha automjetet (deri në dhjetë) si dhe rrjetin e vendeve të fshehta që kishte kreu i bandës, një shqiptar i ndaluar të hynte në BE, por që pretendonte të ishte ekspert gjyqësor, shkruajnë mediet spanjolle.

Të mërkurën, organizatës iu dha goditja finale me tetë kontrolle, duke përfshirë një në rrugën Santo Tomás, në Monte Alto, ku ata arrestuan një grua të moshuar që ishte e përkushtuar në shpërndarjen e drogës në vend.

Përveç heroinës, autoritetet konfiskuan një kilogram hashash, gjysmë kilogram marihuanë, 57 mijë euro para cash, 900 dollarë, peshore precize dhe mjete për trajtimin e drogës. Ata gjetën gjithashtu një bllokues, një pajisje gjeolokimi dhe dokumentacion fals

Më Shumë

Përurohet shkolla fillore “Dy Dëshmorët” në Piranë

Komuna e Prizrenit ka njoftuar se sot është bërë përurimi i objektit të ri të shkollës fillore “Dy Dëshmorët” në fshatin Piranë, raporton PrizrenPress. Njoftimi...

Ballkani e mbyll stinorin vjeshtor me fitore të thellë ndaj Gjilanit

Ballkani ka shënuar fitore të thellë ndaj Gjilanit, me rezultat 3-0, në kuadër të xhiros së 18-të në Superligën e Kosovës. Golin e parë në...

Lajmet e Fundit