Shefi i grupit multietnik në Kuvendin e Prizrenit nga radhët e NDS-it, Oruç Karadollami, ka reaguar ndaj deklaratës së kryesuesit të Kuvendit Komunal, Kujtim Gashi, ku ka përmendur emrin e kryetares së NDS-it, Emilia Rexhepi, si iniciativë personale e saj kërkesa për shkarkimin e tij.
Karadollami ka demantuar të gjithë atë që Gashi ka deklaruar në mediet lokale dhe ato qendrore në lidhje me Qendrën Kulturore Boshnjake.
“Si shef i grupit multietnik i cili përbëhet nga 6 këshilltarë në Kuvendin e Prizrenit, jam i detyruar të reagoj rreth deklaratës së kryesuesit të Kuvendit Komunal, Kujtim Gashi, ku ai ka përmendur emrin e kryetares së NDS-it, Emilia Rexhepi, si iniciativë personale e saj kërkesa për shkarkimin e tij (pas saj qendrojne votat e 3000 boshnjakëve) dhe demantoj të gjithë atë që ai ka deklaruar në mediet lokale dhe ato qendrore në lidhje me Qendrën Kulturore Boshnjake. Në vend që udhëheqja e PDK-së në Prizren tëe merret seriozisht me ne, ata plasojnë në media dhe publik deklarata fëmijërore të karakterit qesharak, ndërsa opozita nuk dëshiron apo nuk ka vullnet që në rrethanat e reja të krijuara ta kthej situaten në favor të të mirave për të gjithë qytetarët e Prizrenit”, thuhet në reagimin e Karadollamit. /Tv Prizreni