Gjithsej 52 pasagjerë të një autobusi kanë vdekur në Kazakistan për shkak të një zjarri të shpërthyer në bord. Tragjedia ka ndodhur në rajonin e Aktobes, në veri të vendit.
Vetëm pesë nga 57 personat që gjendeshin në autobus kanë mbijetuar. Sipas autoriteteve lokale, pasagjerët e mjetit ishin të gjithë qytetarë të Uzbekistanit fqinj. Shkaqet e zjarrit nuk janë zbardhur akoma, por policia dyshon se mund të ketë ndodhur nga një qark i shkurtër.
Siç raportohet nga autoritetet kazake të operacioneve të emergjencës, në vendngjarje ndodhen policia, mjekët dhe zjarrfikësit.
Sipas asaj që referojnë burime nga Ministria e Shërbimeve dhe Emergjencës, mjeti ishte regjistruar në Kazakistan. Dy shoferët, të dy kazakë, kanë mbijetuar.
Ndërkohë që të gjithë të mbijetuarit janë shtruar në një spital në rajonin e Irgizit për të mjekuar plagët e marra.