Këshilli i Bashkësisë Islame në Prizren ka mbajtur mbledhjen e rregullt me imamët e Komunës së Prizrenit.
Në mbledhjen e kryesuar nga kryetari i Këshillit Valon ef. Ibrahimi, administrata e Këshillit të BI-së Prizren ka raportuar para imamëve për aktivitetet dhe realizimet gjatë vitit 2024.
Kryetari Valon ef. Ibrahimi sipas njoftimit ka folur rreth angazhimeve të cilat janë bërë gjatë vitit paraprak. Ai ka vlerësuar rolin e te gjithë imamëve dhe punën e bërë në vazhdimësi.
Kryeimami, dr. Orhan ef. Bislimaj ka raportuar rreth aktiviteteve fetare dhe zhvillimit të jetës fetare gjatë këtij viti.
“Më shumë u ndal rreth funksionimit të mektebit dhe sfidave ku imamët patën rastin që të diskutojnë hapur rreth përvojave të tyre nga terreni”, thuhet në njoftim, raporton Telegrafi.
Ndërkaq sekretari, dr. Faruk ef. Ukallo, ka raportuar rreth problemeve me të cilat është përballur sekretaria dhe ka kërkoi disiplinë më të theksuar në zbatimin e vendimeve dhe shkresave të ndryshme.
“Imamët, patën rastin që t’u parashtrojnë pyetje zyrtarëve të KBI- së, për çfarëdo çështje apo pa qartësi që kanë mundur të kenë, ashtu që kanë marrë përgjigje nga udhëheqësit e sektorëve. Po ashtu, imamët diskutuan edhe për shumë çështje dhe problematika të ndryshme, me të cilat përballet bashkësia myslimane në Kosovë. Pati edhe propozime konkrete për realizim gjatë vitit 2025”, thuhet në njoftimin e KBI Prizren.
