22.8 C
Prizren
E enjte, 11 Gusht, 2022

Këngëtarja shqiptare del në përgjimet e policëve të arrestuar në Morinë

Në disa media po raportohet se këngëtarja e njohur, Zajmina Vasjari është njëra nga protagonistet e përgjimeve të SPAK.

Për të kaluar doganën me fëmijë të mitur duhet të kesh një dokument nga prindi tjetër, por me ndihmë të policëve të korruptuar, kjo u bë krejt e thjeshtë për këngëtaren, e cila ka kaluar fëmijët e saj në kufi pa dokumentin e posaçëm.

Në dosjen e Prokurorisë theksohet se më datë 02.01.2022, ora 10:57, në aplikacionin “Whatsapp”, shtetasi i regjistruar me emrin “Tani Durrës” i thotë L. S me sms: “…..është nusja e një shoku të ngushtë me kalamajtë aty në Morinë, po s’ka prokurë, Zajmina Vasjari”.

L. S Polic: Kur do kthehet?

Tani: Ja ta pyes… dy ditë, datë 4 ka kthim…

L.S : Ok, çfarë makine ka ose jepi nr. tim të flas me të…

Tani: ‘R*** R****’ ‘A******’…

L. S: Ok.

Menjëherë më pas, ora 11:00, L. S ia kalon me mesazh targën e automjetit të shtetases si porosi për ta ndihmuar punonjësit të Policisë E. A me detyrë përgjegjës turni në P.K.K Morine duke i thënë:

L. S: Ndihmoje pak është duke ikur për në Kosovë, duhet ta njohësh, Zajmina Vasjari……….

E.: Jepi nr. tim

Nga verifikimi në sistemin TIMS rezulton se shtetasja Zajmina Vasjari ka kryer dalje nga Republika e Shqipërisë në datë 02.02.2022 dhe ka hyrë në datë 04.02.2022, duke kaluar kufirin me mungesë dokumentacioni Prokurore për fëmijët e mitur, duke u favorizuar dhe ndihmuar nga punonjësi i Policisë E. A, kundrejt porosisë të marrë nga shefi i stacionit, L. S. Po ashtu, nga verifikimi në sistemin TIMS rezultojnë të regjistruar edhe dy fëmijët e saj të mitur.

Të premten e kaluar, policia e Kosovës në bashkëpunim me atë të Shqipërisë kanë vazhduar operacionin “Pika” për arrestimin e policëve për marrje ryshfeti e keqpërdorim të detyrës zyrtare.

Sipas njoftimit të IKP-së dhe SPAK-ut, u arrestua një numër i madh policëve në kufirin Morinë-Vërmicë.

Më Shumë

Prizren: 3 vëllezërit në dasmë, hajnat “festuan” në shtëpitë e tyre (VIDEO)

  Në Krushë të Vogël të Rahovecit mbrëmë ka ndodhur një vjedhje e rëndë. Hajnat hynë në shtëpitë e tre vëllezërve Hajdari, të cilët bashkë më...

Sefë Duraj në zi, humb nënën e tij

Sefë Duraj është një ndër këngëtarët më të njohur në mediet rozë. Ai me punën e përkushtuar që bën, në çdo kohë kalon në lajm,...

Lajmet e Fundit