36.8 C
Prizren
E premte, 19 Gusht, 2022

Kërkesën e pensionistëve e dërgon te Haradinaj

kabashi te pensionistetKandidati i koalicionit AAK-LDD për kryetar të Prizrenit, Lulzim Kabashi, është takuar me anëtarët e Organizatës Komunale të Pensionistëve në Prizren. Ai njoftoi përfaqësuesit e kësaj organizate se kërkesa e tyre për të ngritur çështjen e ligjit për pensionistët në Parlamentin e Kosovës, është përcjell tek lideri i AAK-së Ramush Haradinaj.

“Haradinaj do të deklarohet edhe publikisht në përkrahje të këtij ligji për të mbrojtur të drejtat e kësaj kategorie”, tha Kabashi.

Ai premtoi se Qeveria e ardhshme komunale e koalicionit AAK-LDD, do të jetë krah i kësaj kategorie, që sipas tij, deri më tash është lënë pas dore.

Kryetari i Organizatës Komunale të Pensionistëve dhe Invalidëve të Punës në Prizren, Musa Jorganxhiu, falënderoi Kabashin për gatishmërinë e tij, për të dëgjuar hallet dhe brengat e pensionistëve duke shprehur mirënjohje edhe për liderin e AAK-së Ramush Haradinaj për qëndrimin e tij në përkrahje të ligjit të pensionistëve.

Jorganxhiu, theksoi se miratimi i këtij ligji do të ndikojë në përmirësimin e gjendjes aktuale me të cilën po ballafaqohen pensionistët./PrizrenPress.com/

Më Shumë

Papa Françesku: Lufta e Ukrainës largon vëmendjen nga uria

Papa Françesku ka thënë se lufta në Ukrainë tërhoqi vëmendjen nga problemi i urisë në botë dhe bëri thirrje për ndihmë urgjente ushqimore për...

Sonte nis Beerfest

Sonte nis festivali “Beerfest” që do të mbahet më 19, 20 dhe 21 gusht që mbahet në parkingun prapa Pallatit të Rinisë në Prishtinë. “Përveç...

Lajmet e Fundit