Shkruan: Ethem Rogova
Vizita ditë më parë e kryeministrit të Republikës së Turqisë, Erdogan, në Kosovë, ngjalli reagime të shumta. Reagimet ishin nga ma të ndryshmet, pozitive, negative, analitike, primitive, banale. Reaguan individ, analist, publicist, deputet si të parlamentit të Rep. së Kosovës ashtu edhe të parlamentit të Rep. së Shqipërisë. Reagoi ipeshkvija e Kosovës, por edhe qeverija e Sërbisë.
Në Kosovë pati reagime nga më të ndryshmit se kryeministri turk, Erdogan. ka ardhur që të ndihmoj Thaqin në zgjedhje, ta nënshtroj kosovën ose edhe të na ndroi fenë. Reagime të ashpra sidomos ngjalli deklarata e kryeministrit Erdogan se “Kosova është Turqi dhe se Turqija është Kosovë” Indinjatë çfaqi edhe “vëllazrija myslimane” në mes të liderve të tre shteteve.
Po kush ishin reaguesit. Ata ishin nga më të ndryshmit, prej individve të cilët kërkojnë publicitet dhe nëpërmjet shkrimeve dëshrojnë të imponohen. Individ të cilët shumë shpesh paraqiten publikisht kur kemi të bëjmë me qështje fetare, individ të cilët dinë vetëm të kritikojnë, por ka edhe të ricikluar. Një numër I tyre nuk dinë se çfar feje kanë, cilit komb I përkasin dhe çka kërkojnë.
Po cila është frika e tyre. Ata frikohen se mos perandorija osmane po ringjallet ose Turqija po e pushton Kosovën. Janë individ të cilëve regjimet e kaluara ia kanë shpërlarë trurirn, andaj sot nuk kanë një identitet të caktuar.
Në këtë situatë më së vështiri e ka kryeministri Thaqi, I cili duhet të heci nëpër tel dhe të ballansoj në mes të “lindjes dhe perendimit”
Sot Turqija pa ndonjë aresye demonizohet dhe identifikohet me perandorinë osmane e cila sidoqoft meriton respect për faktin se ka sunduar për 500 vite një teritor të madh. Ata të cilët prcjellin sadopak rrjedhat ndërkombëtare kanë mundësi të shohin synimet e shtetit turk që të bëhen pjesë e shteteve të familjes Europiane.
Nuk duhet pasur frikë se Kosova do të bëhet Turqi. Nuk duhet te kemi frike as nga ngjallja e perandorisë osmane. Shkrimtari dhe analisti I respektuar shqipëtar Fatos Lubonja, vren dhe me të drejte konstaton se sot Turqin nuk e kemi armike dhe nuk rezikohemi nga ajo. Reziku na vjen nga Serbija dhe Greqija.
Është shumë interesant se reagime të ashpra për vizitën e kryeministrit të Turqisë, ka edhe nga qeverija e Sërbisë. Unë nuk do ta kisha vuar shenjën e barazimit në mes të kritikve qe vine nga Kosova dhe Shqiperija dhe kritikat që vijën nga qeverija e Sërbisë.Por eshte interesant se te dyja palet jane te brngosura per çeshtje te njejta.
Duhet të rikujtoj se Turqija është një prej shteteve të para që e ka njohur Republiken e Kosoves. Do të kisha dashur që këtë të bëjë edhe Vatikani. Por e kuptoj poziten e Vatikanit se ajo I ka politikat e veta. Nuk dëshron që të ngjallë reagimet e kishës ortodokse Serbr dhr të prishi marëdhënjet. Por as në mëndje nuk më shkon se Vatikani e favorizon më shumë Sebinë se sa Kosovën, ose papa I do më shumë serbet se shqipëtarët. Jam i sigurt se vizita e papës në Kosovë do të mirëpritej nga populli i saje pa dallim feje Vizita e papes ne kosove do të nxirte në sheshe të qyteteve kosovare gjith të rinjët dhe pleq, bura e gra. Besoj edhe shpresoj se kjo një ditë do të ndodhë. Unë si mysliman me padurim e pres se kjo do te ndodhe nje ditë pa frikë se Vatikani po ndërmer një kryqëzatë për të nënshtruar Kosovën.
Sot Republikën e Turqisë e kemi partner strategjik ashtu si që I kemi shtetet Europiane dhe SHBA dhe çdo shtet tjetër e cila është e gatshme të na ndihmoj në mëkambjen e shtetit të Kosovës.
Prandaj duhet pasur kujdes se çka po shkruajm dhe botojmë, sidomos duhet pasur kujdes ata që kanë një emër sepse mund te shkaktojne deme te pallogaritshme shume dimenzionale.(Autori është avokat në Prizren)