Kryetari Shaqir Totaj drejtoi mbledhjen e dytë të Këshillit Publiko-Privat, një mekanizëm konsultativ që synon të adresojë sfidat komunale dhe të inkurajojë zgjidhje bashkëpunuese. Diskutimet u përqendruan në menaxhimin e pronës komunale dhe mbështetjen për bizneset me pronare femra .
“Me këtë rast u diskutua mbi çështjet thelbësore që kanë të bëjnë me menaxhimin, ndarjen dhe shkëmbimin e pronës komunale si dhe promovimin e partneritetit publik-privat e mbështetjen për bizneset me pronare femra”, njofton Komuna e Prizrenit.
“Biseda u përqendrua në menaxhimin dhe shfrytëzimin efektiv të pronës komunale dhe rritjen e mirëqenies së komunitetit, derisa, në këtë bashkëbisedim konstruktiv akterët diskutuan për strategjitë e shpërndarjes së burimeve komunale duke siguruar transparencë, llogaridhënie dhe shpërndarje të barabartë për të gjithë”.
“I mbështetur nga Aktiviteti i USAID-it për Qeverisjen e Pronës, ky këshill shërben si një dëshmi e fuqisë transformuese të mekanizmave të qeverisjes bashkëpunuese në nxitjen e zhvillimit të qëndrueshëm dhe prosperitetit”./PrizrenPress.com/