22.5 C
Prizren
E martë, 16 Shtator, 2025

Kina paditet nga shteti amerikan për shpërthimin e pandemisë

Shteti amerikan i Missourit ka paditur Qeverinë e Kinës dhe Partinë e saj Komuniste për, siç thanë zyrtarë të lartë, mashtrim të qëllimshëm që edhe çoi drejt shpërthimit të pandemisë.

“Qeveria e Kinës e gënjeu botën për rrezikun dhe natyrën ngjitëse të Covid-19, që e shkakton koronavirusi, dhe bëri pak për të ndaluar përhapjen e saj”, tha prokurori i përgjithshëm i Missourit, Eric Schmitt, duke shtuar se “Kina duhet të mbahet përgjegjëse për veprimet e saj”.

Missouri, shtet i udhëhequr nga Partia Republikane e Donald Trumpit, ngriti padi në gjykatën federale.

Kjo padi kërkon dëmshpërblime për jetët e humbura, vuajtjet e njerëzve dhe trazirat ekonomike që kanë ndodhur në shtetin e Missourit.

Në anën tjetër Kina e mohon fuqishëm mosmenaxhimin e krizës.

Rastet e para me koronavirus në Kinë janë shfaqur në fund të 2019-s e pas kësaj, shifrat u rritën dhe të prekurit numëroheshin në gjithë botën.

Mbi 2.5 milionë njerëz janë prekur nga koronavirusi dhe mbi 177,000 kanë vdekur.

Shtetet e Bashkuara kanë numrin më të madh të të infektuarve me mbi 825,000, dhe të viktimave me mbi 45,000.

Më Shumë

Arrestohet në kufi 65-vjeçari i dyshuar për vjedhjen e arkës së bamirësisë në xhaminë e Reçanit të Prizrenit

Një shtetas i Maqedonisë së Veriut, i identifikuar si Z.M., është arrestuar nga Policia e Kosovës në pikëkalimin kufitar të Hanit të Elezit, pasi...

Kush është Erxhan Osmani që e shkatërroi Greqinë dhe dërgoi Turqinë në finale

Basketbollisti shqiptar, Erxhan Osmani është njëri nga emrat më të përfolur këtë verë, pasi ka befasuar të gjithë me nivelin e treguar në Eurobasket...

Lajmet e Fundit