Lajmi i trishtë është bërë i ditur nga faqja zyrtare e grupit në Facebook, teksa pjesëtarët e AC/DC falënderuan adhuruesit e tyre kudo që ndodhen për dashurinë dhe mbështetjen e madhe.
Lajmërimi vjen pasi një mik i ngushtë i Malcolm tha për median sesa serioze ishte gjendja e kitaristit dhe ai ishte në pamundësi për të vazhduar performancën. Fillimisht u tha se banda nuk do të bënte më muzikë, por më pas u konfirmuar se grupi i njohur AC/DC do të vazhdonte prodhimin e muzikës.
Banda lajmëroi në një deklaratë: “Pas 40 vjetësh jetë të dedikuara grupit AC/DC, kitaristi dhe anëtari themelues i bandës, Malcolm Young, do të marrë pushime për shkak të gjendjes shëndetësore.”
Lajmi ka ardhur i papritur për miliona adhurues të bandës, të cilët po shpresonin për një album të ri dhe një tur këtë vit.