Trajneri i PSG-së, Unai Emery ka folur për ndeshjen e kthimit kundër Barcelonës, e cila luhet sonte në ‘Camp Nou’.
Kampionët e Francës në këtë sfidë hyjnë me avantazhin prej 4-0, rezultat ky që pak kush beson se mund të përmbyset nga ‘Blaugranat’.
“Ndoshta FC Barcelona tani është më e rrezikshme. Nuk e ndryshon lojën e tyre. Ata duhet të punojnë që të kthejnë rezultatin e ndeshjes së parë dhe ata kanë kualitete për këtë”, ka thënë Emery.
“Ata kanë lojtarë të cilët përdoren për të luajtur ndeshje të vështira dhe janë gati që të kthejnë rezultate. Ja pse ne duhet të përgatitemi mirë, të jemi mentalisht gati, të kuptojmë se do të jenë 90 minuta të vështira”, tha ai.Ndeshja mes Barcelonës dhe PSG-së nis në orën 20:45