Koordinatori i KMDLNJ-së në Prizren,Bashkim Kajdomçaj ka vizituar zyrtarët e arrestuar të Drejtorisë së Arsimit në këtë qytet. Ai tregon se të arrestuarit nuk kanë asnjë ankesë për sjelljet e policëve.
“Të arrestuarit kanë pohuar se sjellja e policëve ka qenë korrekte”, thotë Kajdomçaj.
Drejtori i Arsimit në Prizren, Nexhat Çoçaj, u arrestua dje së bashku me pesë zyrtarë të tjerë të këtij sektori.
Ata dyshohen për kryerje të veprave penale të keqpërdorimit të detyrës apo autoritetit zyrtar, si dhe për cenim të drejtës në punësim dhe të papunësisë.
Të ndaluarit tjerë, pos drejtorit Çoçaj janë,: S.A., R.K. E.Sh., R.E., dhe F.K., ndërsa dy të dyshuarit tjerë të cilët janë të përfshirë në kallëzimin penal janë A. Ç. dhe F.Z.
“Të njëjtit kanë pohuar se janë arrestuar në vendet e tyre të punës”, tregon Kajdomçaj.
“Vetëm R.K. ka vërejtje për faktin se ndihet keq me shëndet”,
“Të njëjtin e ka vizituar ekipi mjekësor, që i ka preferuar të vazhdojë me terapinë qe e ka pasur para arrestimit”./PrizrenPress.com/