3.8 C
Prizren
E martë, 29 Nëntor, 2022

Kombëtaret vendosin të mos mbajnë shiritin OneLove në Kupën e Botës, Katar 2022

Të gjitha kombëtaret në Kupën e Botës, në Katar, nuk do të mbajnë shiritin e OneLove, që është në mbështetje të komunitetit LGBTQ, për shkak të kërcënimeve që do të ndëshkojnë lojtarët nëse ata thyejn rregullat e Katarit.

Kapitenët e nëntë kombeve, kishin planifikuar të mbanin shiritin për të promovuar diversitetin dhe përfshirjen.

Një deklaratë e përbashkët nga shtatë shoqata të futbollit tha se ata nuk mund t’i vendosnin lojtarët e tyre “në një pozicion ku ata mund të përballeshin me sanksione sportive”.

“Ne jemi shumë të frustruar nga vendimi i FIFA-s, i cili besojmë se është i paprecedentë”, thuhet në deklaratë.

Organet drejtuese thanë se i kishin shkruar FIFA-s në shtator duke i informuar për shiritin e OneLove, por nuk morën përgjigje.

“FIFA ka qenë shumë e qartë se do të vendosë sanksione sportive nëse kapitenët tanë mbajnë shiritat në fushën e lojës”, thuhet në deklaratë.

“Ne ishim të përgatitur të paguanim gjoba që normalisht do të zbatoheshin për shkeljet e rregulloreve të kompleteve dhe kishim një angazhim të fortë për të mbajtur shiritin në krah”.

“Megjithatë, ne nuk mund t’i vendosim lojtarët tanë në situatën ku ata mund të ndëshkohen ose madje të detyrohen të largohen nga fusha”.

/Albanianpost.com

Më Shumë

Moti për sot, maksimalja 7 gradë

Sot parashihet të mbajë mot kryesisht i vranët. Temperaturat minimale do të lëvizin ndërmjet -2 deri 2 gradë Celsius, ndërsa maksimalet e ditës parashihen të...

Kim Kardashian thuhet se ndjehet e ‘neveritur’ nga Kanye Westi pas pretendimeve se reperi u tregoi stafit të Adidas foto intime të saj

Kim Kardashian thuhet se ndjehet e ‘neveritur’ nga pretendimet se ish-bashkëshorti i saj Kanye West u tregoi foto private të saj ish-punonjësve të tij,...

Moti për sot

Lajmet e Fundit