Komuna e Prizrenit sot ka pranuar një donacion nga Banka Raiffaisen në Kosovë dhe Stepic Cef Chairty nga Vjena, raporton PrizrenPress.
Sipas njoftimit, donacioni përfshin 151 tableta dhe 275 pajisje të ndryshme shkollore, që iu dedikohen nxënësve të familjeve me vështirësi ekonomike të shkollave të komunës së Prizrenit.
“Donacionin, në emër të Komunës së Prizrenit, ka pranuar drejtoresha e Drejtorisë Komunale të Arsimit, Xhemile Thaqi-Vezgishi, ku të pranishëm ishin edhe Enver Osdautaj nga Ministria e Arsimit dhe Shkencës, Robert Wright, drejtori ekzekutiv i Bankës Raiffeisen në Kosovë dhe Murat Sahin, udhëheqesi i zyrës së UNICEF-it në Kosovë”, thuhet në njoftim./PrizrenPress.com/