Policia e Kosovës ka konfiskuar 15.69 gram supstancë narkotike në Prizren dhe Suharekë. Sipas policisë, 13.77 gramë substance narkotike janë konfiskuar në Prizren, ndërsa 1.92 gram në Suharekë.
“Ankuesja femër ka informuar se i dyshuari mashkull i moshës së mitur posedon substanca narkotike. Njësiti policor në vendin e ngjarjes ka gjetur dhe konfiskuar 13.77 gramë substancë të dyshuar narkotike të llojit marihuana”.
Me urdhër të prokurorit pas intervistimit i dyshuari është liruar në procedurë të rregullt.
“Njësiti policor ka shoqëruar në stacionin policor katër të dyshuar pasi që të njëjtit ishin duke konsumuar substancë narkotike”.
“Gjatë kontrollimit të tyre është gjetur dhe konfiskuar 1.92 gram substancë e dyshuar narkotike e llojit marihuanë. Pas intervistimit me urdhër të prokurorit të dyshuarit janë liruar në procedurë të rregullt”/PrizrenPress.com/