Bashkia Lezhë, në bashkëpunim me Ministrinë e Kulturës dhe Qendrën Kombëtare të Librit dhe Leximit, nën kujdesin e veçantë të kryetarit të bashkisë Lezhë, Pjerin Ndreu, organizon konkursin letrar për çmimet “At Gjergj Fishta” 2023.
Nga ky konkurs do të përzgjidhet romani më i mirë, libri më i mirë poetik dhe vepra më e mirë studimore për letërsinë, me prioritet për veprat studimore kushtuar veprës a figurës së At Gjergj Fishtës.
Bashkia Lezhë ftoi të marrin pjesë të gjithë autorët të cilët e kanë shkruar veprën e tyre në gjuhën shqipe, nga Shqipëria, Kosova, Maqedonia e Veriut, Mali i Zi dhe vende të tjera.
Në jurinë e këtij konkursi është shkrimtarja Diana Çuli, studiuesi prof. Alfred Çapaliku si dhe poeti e botuesi Mark Simoni.
