23.8 C
Prizren
E premte, 19 Gusht, 2022

Kontributi i Kadaresë, i jashtëzakonshëm

Jahjaga-KadarePresidentja e Republikës së Kosovës, Atifete Jahjaga, ka pritur sot në takim shkrimtarin e shquar shqiptar, Ismail Kadare dhe bashkëshorten e tij, Helena Kadare.

Në një bisedë shumë miqësore, presidentja Jahjaga dhe shkrimtari Kadare biseduan për çështje të ndryshme politike, shoqërore e kulturore dhe për proceset demokratike nëpër të cilat po kalon Kosova.

“Duke i uruar mirëseardhje në Kosovë dhe duke e përgëzuar për marrjen e çmimit ndërkombëtar “Ali Podrimja”, presidentja Jahjaga ka theksuar se është një nder i madh për të gjithë Kosovën vizita e shkrimtarit të madh shqiptar Ismail Kadare, vepra e të cilit vazhdon të jetë frymëzim për të gjitha gjeneratat”, është thënë në komunikatën e presidencës.

Jahjaga ka thënë se kontributi i Kadaresë për Kosovën në shtypin dhe diplomacinë botërore, është i jashtëzakonshëm dhe me ndikim të madh. Presidentja Jahjaga ka theksuar se Kosova sot është një shtet i pavarur e demokratik, që synon anëtarësimin në BE, NATO dhe në OKB.

Shkrimtari Ismail Kadare e ka përgëzuar presidenten Jahjaga për punën dhe angazhimin e saj, me theks të veçantë në kontributin që ajo ka dhënë në ngritjen e imazhit të Kosovës në botë. Shkrimtari Ismail Kadare ka folur edhe për perspektivën evropiane të Kosovës, të Shqipërisë dhe të gjithë Ballkanit, duke theksuar se kjo është zgjidhja e natyrshme për secilin vend të rajonit./PrizrenPress.com/

Më Shumë

Begaj të hënën në Kosovë, destinacioni i parë jashtë Shqipërisë si president

Presidenti i Shqipërisë, Bajram Begaj do qëndrojë për vizitë zyrtare në Kosovë, me rastin e fillimit të mandatit të tij. Begaj vjen të hënën në...

Ngordhin peshqit në një pishinë në Vërmicë – policia nis hetimet

Një person nga Vërmica e Prizrenit ka njoftuar policinë se në pishinën e tij kanë ngordhur peshqit, shkruan PrizrenPress Lidhur me rastin përveç njësive të...

Lajmet e Fundit