Përzgjedhësi i Përfaqësueses së Kosovës, Albert Bunjaki, ka folur në detaje për eksperiencën e tij të deritashme me ekipin Verdhekaltër, tek i cili u grumbulluan deri tash qindra futbollistë, shkruan zeri.info.
“Nga viti 2008 i kemi pasur 300 lojtarë deri tash, prej tyre e kemi krijuar një bazë të 15 lojtarëve. Për 4-5 muaj i kemi afruar rreth 18 lojtarët ë rinj. E kemi një moshë mesatare 22-23 vjet. Gjatësia mesatare e ekipit është 183 centimetra, dy më pak se ajo e Islandës. Në ndeshje me islandezët kemi mungesa, por ato i kemi zëvendësuar dhe ua kemi dhënë rastin lojtarëve të rinj. Ne i vlerësojmë performancat e lojtarëve në ekipet përkatëse, por edhe në Kombëtaren tonë”, nënvizoi Bunjaki.