Komisioni i Pavarur për Media(KPM), ka shprehur ngushllimet më të sinqerta për vdekjen e Dua Dauti- Kadriu, e cila shtë ndarë tragjikisht nga jeta.
Ajo, ka qenë anëtare e Bordit të Ankesave të Komisionit të Pavarur të Mediave (KPM).
Komunikata e KPM-së
Më 6 korrik 2017, papritur në moshë shumë të re ka ndërruar jetë znj. Dua Dauti- Kadriu, Anëtare e Bordit të Ankesave të Komisionit të Pavarur të Mediave (KPM).
znj. Dauti-Kadriu u lind në Prizren më 26 prill 1981. Ishte Juriste dhe Psikologe shumë e zonja.
Më 27 shkurt 2017, Kuvendi i Republikës së Kosovës e emëroi atë në pozitën e anëtares së Bordit të Ankesa në KPM.
Me vdekjen e saj, KPM ka humbur një bashkëpunëtore të palodhshme dhe njëkohësisht shumë profesionale e cila kontribuoi shumë për aq kohe sa ishte anëtare e BA.
Anëtarët e Bordit të Ankesave dhe personeli i Zyrës Ekzekutive ndihen të nderuar që punuan me znj. Kadriu dhe çmojnë lartë kontributin e saj.
KPM i shpreh ngushëllimet më të sinqerta familjes dhe të gjithë bashkëpunëtorëve që patën fatin të punojnë me të.