Pacientët dhe staf mjekësor i QKUK-së nuk kanë votuar në ditën e zgjedhjeve.
Komisioni Qendror Zgjedhor (KQZ) dhe menaxhmenti i QKUK-së nuk e mbajnë veten përgjegjës që nuk ua kanë mundësuar votimin të gjithë pacientëve të hospitalizuar në ditën e zgjedhjeve.
Përderisa këto institucione e fajësojnë njëra-tjetrën për mosgatishmëri për t’i përmbushur obligimet e nevojshme për realizimin e këtij procesi, pacientët që mbetën pa votuar janë shprehur të zhgënjyer nga papërgjegjësia e institucioneve.
QKUK-ja thotë se katër ditë para zgjedhjeve i ka dorëzuar listat me emra, mbiemra, vendbanim dhe numrin identifikues të secilit pacient në Komisionin Komunal Zgjedhor (KKZ).
Komisioni thotë se listat kanë pasur mangësi në të dhëna, si numri personal, etj.