Kryetari i Kuvendit, Jakup Krasniqi ka reaguar ndaj Akademisë së Shkencave dhe e Arteve e Kosovës e cila konsideron të papranueshme tendencën e vazhdueshme të shtetit të Serbisë për devijimin e zgjidhjeve të ofruara në Propozimin Gjithëpërfshirës për Zgjidhjen e Statusit Final të Kosovës.
Krasniqi nëpër mjet rrjetit socila “Facebook”, ka thënë së ASHAK-u ka gabuar adresën kur i drejtohet faktorit ndërkomëtar dhe është vonuar me qëndrimin për zhvillimet që kanë ndodhur në vend.
”Po përpiqem t’i kuptoj shqetësimet tuaja, por kërkesat që po i bëni në adresë të komunitetit ndërkombëtar i keni të gabuara, pasi janë institucionet e Kosovës, duke përfshirë dhe institucionin përfaqësues të përbërë nga pozita dhe shumica opozitare, janë ata që e kanë pranuar marrëveshjen enigmatike.
Nëse përfaqësuesit tuaj, guxojnë të marrin vendimin edhe për tu rikthyer aty ku ishim para qershorit 1999, asnjë udhëheqes ndërkombëtar nuk do ta kundërshtoi, e kjo sigurisht nuk do të kundërshtohej as nga BE-ja dhe SHBA- ja. Atyre ju intereson paqa dhe siguria. Pra, ata do të mbështetnin çdo marrëveshje që do të arrihej mes dy kryeministrave të Kosovës dhe të Serbisë.
Pra, unë mendoj, reagimi i juaj është dashur të bëhej më herët mbi krerët e politikës sonë. Po, më mirë vonë se kurrë”, shkruan Krasniqi.