17.8 C
Prizren
E mërkurë, 5 Tetor, 2022

Kritikoi Kinën/ 500 policë në redaksinë e një gazete, i kontrollohen kompjuterët

Rreth 500 policë i bastisën zyrat e gazetës “Apple Daily” në Hong Kong. Autoritetet pretendojnë se raportimet e kësaj gazete e shkelin ligjin kombëtar të sigurisë.

Policia gjithashtu arrestoi kryeredaktorin dhe katër anëtarë të lartë të redaksisë dhe i ngriu 2.8 milionë dollarë të aseteve që janë në pronësi të tri kompanive të lidhura me këtë gazetë.

Gazeta është në pronësi të Jimmy Lai, i cili ndodhet në burg dhe përballet me një varg akuzash. “Apple Daily” njihet për qëndrimet kritike ndaj udhëheqësve të Kinës, shkruan BBC.

Në një konferencë për gazetarë, policia tha se që nga viti 2019, gazeta “Apple Daily” ka publikuar mbi 30 artikuj që u bënin thirrje shteteve që t’u vendosin sanksione Hong Kongut dhe Kinës. Policia gjithashtu njoftoi se asetet e ngrira janë të kompanive “Apple Daily Limited”, “Apple Daily Printing Limited” dhe “AD Internet Limited”.

Dhjetëra aktivistë të dalluar janë arrestuar që nga miratimi i të ashtuquajturit ligj i sigurisë kombëtare vitin e kaluar.

Policia hyri në zyrat e gazetës “Apple Daily” rreth orës 7 e 30 minuta të mëngjesit të së enjtes dhe i bllokuan të gjitha hyrjet e daljet. Gazeta e transmetoi drejtpërdrejt bastisjen përmes faqes së vet në Facebook.

Policia nuk i konfirmoi emrat e të arrestuarve, por tha se arrestimi i tyre është bërë për bashkëpunim me një shtet të huaj ose me elemente të jashtme për ta rrezikuar sigurinë kombëtare.

 

 

Më Shumë

Paga e shtatorit për mësimdhënësit, Murati thotë se do të veprohet sipas ligjit

Ministri i Financave, Punës dhe Transfereve, Hekuran Murati, nuk ka treguar nëse do t’iu procedohen pagat mësimdhënësve dhe shërbyesve civilë të komunave për muajin...

Rruga në Prizren që “lejon” lëvizjen me shpejtësi 30 dhe 40 km/h (foto)

Vendosja e shenjave të trafikut në rrugën Gjonaj – Zym në Prizren nuk është e zakonshme. Aty gjendet dy shenja, njëra shpejtësinë e lejuar 30...

Moti sot

Lajmet e Fundit