22.5 C
Prizren
E martë, 16 Shtator, 2025

Kriza e koronavirusit mund të rezultojë me “miliona martesa të fëmijëve”

Fondi për Fëmijë i Kombeve të Bashkuara (UNICEF) ka thënë se vështirësitë e shkaktuara nga kriza e koronavirusit mund të rezultojnë me 10 milionë martesa të fëmijëve në dekadën e ardhshme.

Në një studim të publikuar më 8 mars, UNICEF ka thënë se “mbyllja e shkollave, stresi ekonomik, ndaljet e shërbimeve, shtatzënitë dhe vdekjet e prindërve për shkak të pandemisë, janë duke përballur vajzat më të brishta me rrezik të martesës sa janë fëmijë”.

Në raportin e publikuar në Ditën Ndërkombëtare të Gruas, të titulluar “COVID-19: Një kërcënim kundër martesave të fëmijëve”, është thënë se nëse trendi konfirmohet, do të përbënte një kthim serioz nga përparimi i arritur në vjetët e fundit në fushatën kundër martesave të fëmijëve.

Aty është thënë edhe se proporcioni i grave të reja, të martuara sa kanë qenë fëmijë, ka rënë nga gati 25 për qind, në rreth 20 për qind në 10 vjetët e fundit.

“Ky përparim tani po kërcënohet”, është thënë në studim.

Ndërkohë, presidentja e Komisionit Evropian Ursula von der Leyen ka thënë se pret që më shumë doza të vaksinave të jenë të qasshme në Bashkimin Evropian në fillim të prillit.

Në Shtetet e Bashkuara, eksperti i ekipit për koronavirus Anthony Fauci, ka thënë se nxënësit e shkollave të mesme në SHBA duhet të vaksinohen kundër koronavirusit në vjeshtë të këtij viti.

Më Shumë

Arrestohen tre të dyshuar për mashtrim në Prizren

Policia e Kosovës në Prizren ka vënë në pranga tre persona të dyshuar për veprën penale të mashtrimit. Zëdhënësi i Drejtorisë Rajonale të Policisë në...

20-shi i LDK-së, Dr. Fejzë Kabashi, zotohet se do t’i mbështesë shtresat në nevojë – 300 shtëpi të reja në katër vitet e ardhshme

Kandidati i LDK-së për Kuvendin Komunal të Prizrenit, Dr. Fejzë Kabashi, ka premtuar se nëse fiton besimin e qytetarëve në zgjedhjet e 12 tetorit,...

Lajmet e Fundit