Dy arma të llojit “Kallashnikovë” u janë konfiskuar krushqve të një dasme nga Drenica, të cilët kishin ardhur për të marrë nuse në Pagarushë të Malishevës.
Zëdhënësi i Policisë në Prizren, Hazir Berisha tha se krushqit pasi që kanë marrë nusen kanë filluar të gjuajnë me armë.
“Krushq nga një fshat i rrafshit të Drenicës pasi kishin marrë nusen në fshatin Pagarushë të Malishevës, me t’u nisur mbrapa, kishin nxjerr nga një veturë e llojit ‘BMË’, dy kallashnikovë dhe ia kishin futur me rafal në hava”, tregoi Berisha.
“Pasi kanë mbaruar punë i kanë vendosur kallashnikovët në bagazhin e veturës, sakaq, e njëjta, pa vullnetin e të dyshuarve mbyllet vetvetiu ndërsa çelësat mbesin në veturë”.
“Të kota kishin qenë përpjekjet e një ustai nga fshati që ta hapë veturën me mjete rrethanore dhe në fund ishte gjetur zgjidhja. Ishte thirr një kaçubet (automjet për bartjen e veturave) dhe ishte ngarkuar. Mirëpo, krismat nga kallashnikovët jehuan larg, u dëgjuan gjerë në Stacionin Policor në Malishevë”.
“ Hetues policorë e sekuestruan veturën ndërkaq sot arritën çelësat rezervë nga Sllovenia dhe u hapë vetura në prezencë të dy krushqve të dyshuar me ç’rast u sekuestruan dy kallashnikovë jugosllav dhe 107 fishekë”.
Rasti do t’i kalojë prokurorisë sipas procedurës së rregullt./PrizrenPress.com/