Skënder Kryeziu, është një nga njerëzit më human në Komunën e Malishevës, i cili ka ndihmuar shumë njerzë dhe shumë familje. Për këtë qëllim, Kryetari i Komunës së Malishevës, Ragip Begaj, e ka pritur sot në zyrën e tij, humanistin Kryeziu dhe e ka falënderuar për humanizmin e treguar.
Skënder Kryeziu, është një mërgimtar nga Komuna e Malishevës. Edhe pse i ri në moshë, ai tash e gjashtë vite me radhë, në vazhdimësi ndihmon njerëzit në nevojë, si me ushqime, ashtu edhe në ndërtimin e shtëpive për banim, duke zgjidhur problemin e strehimit për shumë familje.
Edhe pse shumë modest dhe pa dashur të bëhet publik, humanisti Kryeziu, ka treguar për Zyrën për Informim, se vetëm për festën e Kurban Bajramit, këtë vit, ka shpërndarë rreth 17 mijë euro ushqime për familjet në nevojë, në Komunën e Malishevës. Momentalisht, është duke i ndërtuar gjashtë shtëpi dhe në këtë muaj planifikon të filloj ndërtimin edhe të njëzet shtëpive tjera, të gjitha në territorin e Komunës së Malishevës.