Suhareka mbrëmë gjatë natës ka qenë e vërshuar pas reshjeve të dendura të shiut.
Kryetari i komunës, Bali Muharremaj ka thënë sot se fatmirëissht s’ka pasur humbje jete me gjithë situatën e rënduar, përcjell Klan Kosova.
“Qyteti dhe shumë fshatra natën e kaluan nën ankth nga vërshimet. Megjithatë ishim me fat që humbjet i patëm vetëm materiale”, ka thënë ai përmes Facebook.
“I falënderoj qytetarët, zjarrfikësit, policët dhe të gjitha ekipet tjera emergjente që bashkë deri në orët e mëngjesit qëndruam për ta tejkaluar këtë”.
“Institucionet komunale do të veprojnë me të gjitha mekanizmat për t’iu kthyer normalitetit”.
