16.8 C
Prizren
E martë, 28 Maj, 2024

Kuçi: Kushtetuta e Kosovës ndërtoi bazamentin e shtetit

Sot bëhen 16 vjet që nga miratimi i Kushtetutës së Republikës së Kosovës. Miratimi i saj ishte një moment historik që shënoi fillimin e një epoke të re për Kosovën.

Ish-kryetari i Komisionit për Hartimin e Kushtetutës së Kosovës, Hajredin Kuçi, tha për RTK se Kushtetuta e Kosovës ka reflektuar vullnetin e qytetarëve të Kosovës për shtet sovran dhe të pavarur, për ruajtjen e tërësisë territoriale, por edhe obligimet që Kosova i ka marrë në atë kohë në bisedimet në Vjenë.

Kuçi bëri me dije se në hartimin e saj janë marrë mbi 100 kushtetuta të tjera. “Ne kemi qenë të kujdesshëm të bëjmë krahasimet, kemi marrë mbi 100 kushtetuta të vendeve të tjera që i kemi krahasuar që nga preambula deri në dispozitat përfundimtare e kalimtare”, tha ai. Kuqi tha se kanë marrë edhe krahasime edhe nga Kushtetuta e Kaçanikut, për shkak të historisë.

Ndryshe Kushtetuta e Kosovës u ratifikua më 9 prill 2008 dhe hyri në fuqi më 15 qershor të të njëjtit vit. Si akti më i lartë juridik në vend, Kushtetuta e Kosovës u garanton të drejtat dhe liritë themelore të të gjithë qytetarëve të vendit.

Nëpërmjet Kushtetutës së saj, Kosova është definuar si një shtet i pavarur dhe sovran, me një sistem demokratik të qeverisjes dhe me respektimin e të drejtave dhe lirive të njeriut si vlera themelore të shoqërisë. Kushtetuta e Kosovës gjithashtu mbron dhe promovon diversitetin kulturor dhe gjuhësor të vendit dhe siguron një ambient të sigurt dhe paqësor për të gjithë qytetarët e saj.

Kushtetuta e Kosovës, e cila në pjesë të madhe rrjedh nga pakoja e Ahtisarit, i dha të drejta specifike minoriteteve që jetojnë në Kosovë.

16 vjet pas miratimit të kushtetutës, Kosova vazhdon të përballet me sfida, por ka arritur të promovojë vlerat e saj kushtetuese, duke ndërtuar një shoqëri të lirë, demokratike dhe të hapur për të gjithë qytetarët e saj.

Për këto vite Kushtetuta e Kosovës ishte amendamentuar disa herë./ RTKlive

Më Shumë

138 vite pa Viktor Hygon, shkrimtari francez që pasurinë e tij e la amanet për të varfërit

138 vite më parë, më 22 maj 1885 ndali trokun e vet të drobitur nga vitet dhe dhimbjet, zemra 83-vjeçare, e Viktor Hygoit, babait...

Guardiola do të largohet nga Man City – katër kandidatët potencialë për ta zëvendësuar atë

Pep Guardiola pritet që të largohet nga Manchester City verën e ardhshme dhe klubi tashmë ka përpiluar listën e ngushtë prej katër kandidatëve potencialë...

Lajmet e Fundit