21.8 C
Prizren
E martë, 23 Korrik, 2024

Kurti jep versionin e tij: Sulmi i opozitës ishte i përgatitur, qeveria s’provokoi

Kryeministri i Kosovës, Albin Kurti, në një prononcim të shkurtër për media, ka dhënë versionin e tij për njërën ndër ngjarjet më të turpshme brenda Kuvendit të Kosovës, ku deputetët e Partisë Demokratike dhe disa nga ministrat e Qeverisë u përfshinë në një përleshje fizike.

Ndonëse situata në seancën Parlamentare agravoi si pasojë vendimit të zëvendëskryeministrit, Besnik Bislimit – vendim ky jashtë kompetencave të tij si ministër – i cili largoi dhe grisi një fletushkë të vendosur nga deputetja e Partisë Demokratike të Kosovës, Ganimete Musliu, ku shihej Albin Kurti me hundë të zgjatur si simbolikë e gënjeshtarit, për Kurtin ky sulm i ishte i përgatitur paraprakisht nga ana e PDK-së dhe se kabineti i tij nuk ka provokuar situatën.

“Aty nuk bëhej fjalë për provokim apo kundërprovokim, por është sulm i përgatitur meqenëse shpejtësia me të cilën ja mësyn nga ulëset e tyre disa deputetë drejt ulëseve të kolegëve të mi nga Qeveria teksa unë mbaja fjalim tregon qartazi se s’kishte asgjë spontane”, u shpreh ai duke komentuar dhunën e ndodhur në seancën e Kuvendit të Kosovës.

Tutje Kurti tha se atë ditë i është penguar fjala e tij si kryeministër.

I pari i ekzekutivit në fund kërkoj nga deputetët që të organizojnë debate parlamentare, në të cilat siç tha ai “do t’i shoshisim mendimet tona pa dhunë”.

Më Shumë

ZKA: Komuna e Rahovecit nuk përfundoi punët sipas afateve kohore në nëntë kontrata

Zyra Kombëtare e Auditimit ka gjetur se Komuna e Rahovecit nuk i ka përfunduar sipas afateve kohore punët në nëntë kontrata publike. Në projektin “Trajtimi...

Kolona 200 metra e pritje deri në 40 minuta, gjendja nëpër pikëkalimet kufitare

Qendra Qendra Kombëtare për Menaxhim Kufitar ka treguar gjendjen nëpër pikëkalimet kufitare, këtë mëngjes. Në pikën kufitare Dheu i Bardhë, pritjet për të hyrë në...

Lajmet e Fundit