22.8 C
Prizren
E premte, 29 Mars, 2024

Kurti në Prizren prezanton Buxhetin e 2023-ës, mbi 92 milionë euro për këtë komunë

Kryeministri i Kosovës, Albin Kurti, i shoqëruar me disa nga ministrat e tij, të martën ka qëndruar në Prizren, me ç’rast kanë shpalosur Buxhetin për vitin 2023 para qytetarëve të kësaj Komune, raporton Ekonomia Online.

Nga aty, shefi i ekzekutivit tha se Buxheti për vitin e ardhshëm do të jetë më i larti ndonjëherë në Kosovë, teksa përmendi edhe rritjen shumave që kanë ndarë për dikastere të ndryshme.

Para prizrenasve, Kurti tha se Buxheti i paraparë për këtë Komunë është 92.5 milionë euro.

“Buxheti për vitin 2023 do të jetë 3 miliardë e 211 milionë euro, ku të hyrat do të jenë mbi 2 miliardë. Ky buxhet do të jetë më i larti në historinë tonë. Për Prizrenin, buxheti do të jetë mbi 92.5 milionë euro”, tha Kurti.

Kurti tha se në këtë buxhet janë paraparë ndërtimi i disa çerdheve, objekteve shkollore dhe riparimi i rrugës Prizren-Prevallë.

“Për shpenzime kapitale kemi ndarë mbi 32 milionë euro. 296 milionë euro kemi ndarë për Shëndetësi, ku 60 milionë euro janë për blerjen e barnave esenciale. Rritjen e buxhetit në infrastrukturë e kemi shoqëruar me rritjen e stafit mjekësor ku kemi shtuar 400 pozita. Kemi vazhduar linjën buxhetore për ndërtimin e çerdheve. Janë ndarë mjete për ndërtimin e objekteve shkollore në Prizren. Në kohën kur çmimet po rriten për vitin 2023, rritja e buxhetit ka arritur 87 milionë euro për bujqësi. Kemi shtuar 300 pozita të reja për policinë. Gjashtë milionë euro kemi ndarë për riaprimin e rrugës Prizren-Prevallë”, tha tutje Kurti.

E ministri i Financave, Punës dhe Transfereve, Hekuran Murati, tha se në buxhetin e vitit të ardhshëm është paraparë edhe Ligji i Pagave.

“Një gjë që jemi munduar të bëjmë ka qenë konsolidimi fiskal. Jemi siguruar ta bëjmë këtë konsolidim. Asnjë tatim nuk e kemi rritur por jemi munduar të mbledhim tatime aty ku s’po mblidhet. Shumë e bizneseve paguajnë më shumë tatim. Çdo cent që mblidhet e kthejmë te qytetarët në formë të mbështetjes direkte. Kemi tentuar të rrisim të hyrat dhe tani planifikojmë të kemi 2 miliardë euro të hyra”.

“Një prej kategorive me rritjen të hyrave është tatimi në korporata. Kemi paraparë edhe ligjin e pagave. Ne për vitin e ardhshëm kemi paraparë 750 milionë euro për paga. Tek shërbimet ka pësuar edhe këtu rritje. 15 milion euro kemi ndarë për rezerva shtetërore. Presim dinamizëm tek investimet kapitale”, u shpreh Murati.

Më Shumë

Memli Krasniqi propozon Bedri Hamzën për kryeministër

Kryetari i Partisë Demikratike të Kosovës, Memli Krasniqi pritet ta propozojë sot Bedri Hamzën kandidat për kryeministër të ardhshëm të Kosovës. Kreu i PDK-së ka...

Sot mot me diell e me vranësira

Të dielën mbrëma pati mot me shi, ndërkaq në disa zona ra edhe borë. Ndërkaq, gjatë ditës së sotme pritet të mbajë mot me diell...

Lajmet e Fundit