Kandidati për kryeministër i Lëvizjes Vetëvendosje, Albin Kurti ka qëndruar sot në Prizren.
Ai është takuar më studentë dhe me elektoratin e “Kurillës” dhe Hoçës së Qytetit.
Kurti u shoqëruar me kandidatët për deputetë dhe me kryetarin e Prizrenit, Mytaher Haskuka.
Komunikata e LVV-së në Prizren
Studentët jo rrallë herë kanë dëshmuar se dijnë të jenë prijës të ndryshimit. Duke filluar nga demonstratat studentore të vitit 1981, protestat e vitit 1997, e edhe sot ku vazhdojnë të jenë më të dalluarit nëpër universitetet më elitare në botë, ata kanë treguar se janë e ardhmja e shoqërisë sonë.
Sot, së bashku me kryeministrin në ardhje, Albin Kurti, kryetarin e Komunës së Prizrenit, Mytaher Haskuka, dhe kandidatët për deputetë nga Lëvizja VETEVËNDOSJE!, Artan Abrashi, Arber Rexhaj, Drita Millaku, Yllza Hoti dhe Uran Halimi, u mbajt takimi me studentë, ku u njoftuan me prioritetet e qeverisë Kurti si dhe mundësitë e tyre për punësim e zhvillim.
Studentët janë e ardhmja, dhe si të tillë, do të jenë bashkëpunëtorë të punës së pandalshme për Republikën që duam! Lëvizja VETEVËNDOSJE! do të përkushtohet për arsim cilësor të cilin studentët e meritojnë.
Tashmë secila lagje e secili fshat është përcaktuar për referendumin e 14 shkurtit. Në Kurillë, Hoçë të Qytetit dhe në Marash, kandidatët e Lëvizjes VETËVENDOSJE! për deputetë u pritën nga banorët, për t’i njoftuar ata me prioritetet e qeverisë në ardhje.
Qeverisjeve të njëpasnjëshme të dështuara tashmë u ka ardhur fundi. Lëvizja po lëviz pa u ndalur me ritmin e fitores.