Lideri i Lëvizjes Vetëvendosje! Albin Kurti,ka premtuar në Prizren, se nëse VV-ja vjen në pushtet, do t’i arrestojë të gjithë politikanët që janë pasuruar në kurriz të popullit.
“Me qeverisjen e VV-së, do të arrestohen të gjithë zyrtarët, të cilët janë pasuruar në mënyrë të paligjshëm, duke e varfëruar popullin”, tha Kurti, gjatë një tubimi që ka mbajtur në lagjen “2 Korriku” në Prizren.
Përveç arrestimit, ai tha se politikanëve do t’iu konfiskohet gjithë pasuria e kundërligjshme.
“Me 8 qershor,PDK-ja duhet të kthehet në shkollë fillore, sepse kjo parti paligjshëm është shkolluar deri tani”./PrizrenPress.com/