25.8 C
Prizren
E hënë, 17 Qershor, 2024

Partia e Fortë: Tërësisht e kemi okupuar Prizrenin

Partia e Fort okupon PrizreninNë vazhdën e ekspeditës okupuese në qytete të ndryshme të Kosovës Partia e Fortë okupon Prizrenin.

Përmes një komunikate të zyrës për media e propagandë, Partia e Fortë, ka thënë se qyteti i lashtë i Prizrenit kishte nderin e prezencës së kryeministrit të ardhshëm Visar Arifaj dhe nënkryetareve dhe nënkryetarëve të Partisë së Fortë.

“Në kuadër të kësaj vizite Kryeministri Arifaj u fokusua në bisedë me qytetarë dhe definimin e premtieve të preferuara paraelektorale të qytetarëve të Prizrenit”, thuhet në komunikatë.

“Prizreni është një vend me numër të konsiderueshme të votave dhe rrjedhimisht është edhe bastion i Partisë së Fortë. Ne sot kemi kuptuar qartë kërkesat e qytetarëve, dhe mënjeherë kemi filluar premtimet e veçanta për secilin qytetar. Kjo është edhe një ekskluzivitet i partisë sonë ku secili votues tentohet të trajtohet ndryshe në kuadër të premtimeve paraelektorale,” ka pohuar kryeministri i ardhshëm Visar Arifaj.

Aktivitet i rradhës ishte vizita në kalanë e Prizrenit dhe vendosja e flamurit okupues të partisë së fortë në kala.

“Edhe kalaja poashtu do te jetë pjesë e platformës modernizuese të trashëgimisë kulturore. Një ndër elementet e kësaj platforme që do të implementohet në kala do të jetë ndërtimi i liftit nga shadërvani në kala. Një ndër arsyet kryesore pse shumë qytetarë nuk po mundën të shijojnë këtë pamje të bukur është mundi fizik që po nevojitet për tu ngjitur këtu lart,“ ka përfunduar Arifaj.

Ekspedita okupuese e Partisë së Fortë do të vazhdoj edhe në ditët e ardhshme në qytetet tjera të Kosovës. /PrizrenPress.com/

Më Shumë

Për katër muaj 25 të vdekur nga aksidentet në Kosovë

25 persona kanë humbur jetën si pasojë e aksidenteve që kanë ndodhur gjatë periudhës janar-prill të këtij viti. Sipas statistikave të policisë shihet se gjatë...

Falet namazi i Kurban Bajramit, ftesë për vepra të mira e solidaritet

Manifestimi qendror për territorin e Kosovës, kushtuar kësaj feste, u mbajtë në “Xhaminë e Madhe” në Prishtinë. Myslimanët në tërë botën, ashtu edhe në Kosovë,...

Lajmet e Fundit