18.3 C
Prizren
E shtunë, 23 Gusht, 2025

Kurti rrëfen negociatat me LDK-në: Jemi qarë e kemi qeshur

Lideri i Lëvizjes Vetëvendosje, Albin Kurti, përmes një postimi të shkurtër në Facebook, ka përmbledhur periudhën e gjatë të negociatave me Lidhjen Demokratike të Kosovës për të arritur marrëveshje për bashkëqeverisje.

Marrëveshja e arritur mbrëmë, por e zyrtarizuar ditën e sotme përmes një konference të përbashkët për media mes Kurtit dhe kreut të LDK-së, Isa Mustafës, ndonëse nuk u zbulua në tërësi, u tha se do të përmbajë 15 ministri e 33 zëvendësministra.

Por, çështja kyçe në arritjen e marrëveshjes ka qenë dorëheqja e Glauk Konjufcës nga posti i kryeparlamentarit, post të cilin në seancën e nesërme të Kuvendit të Kosovës ku pritet të votohet Qeveria Kurti, do të merret nga LDK-ja, raporton Koha.net.

Ndërkaq Kurti ka treguar se në negociatat që çuan në arritjen e marrëveshjes së koalicionit qeverisës, ka pasur të “qara” e të “qeshura”, mirëpo, siç thotë ai, “përherë të kujdesshëm që ndërmjet nesh të ndodhet një tavolinë”

“Në negociatat me LDK-në, njëri-tjetrit, i kemi ofruar kërkesa e i kemi kërkuar oferta, jemi qarë e kemi qeshur, përherë të kujdesshëm që ndërmjet nesh të ndodhet një tavolinë”, thotë Kurti.

Ndonëse e pranon se janë vonuar me negociata, thotë se “nuk është tepër vonë, pa dyshim”.

“Moti jemi marrë vesh, tash kemi edhe marrëveshje. Do të qeverisim bashkë”, theksoi kreu i VV-së, Albin Kurti, duke i falënderuar të gjithë për “mbështetjen dhe durimin”.

Më Shumë

Një person gjendet pa shenja jete në një restorant në Malishevë

Një person është gjetur pa shenja jete këtë të martë në një restorant në qytetin e Malishevës. Zëdhënësja e Policisë së Kosovës për rajonin e...

BiCredit tani edhe në Prizren, kredi për çdo nevojë!

BiCredit vazhdon të zgjerohet për t’ju shërbyer edhe më afër! Me shumë kënaqësi ju njoftojmë se kemi hapur pikën tonë të re në Prizren, për...

Lajmet e Fundit