Kryeministri i Kosovës Albin Kurti gjatë ditës së sotme ka vizituar ambientet e Aeroportit Ndërkombëtar “Adem Jashari”, ku është takuar me bashkatdhetarët që po vijnë për pushime në vendin tonë.
“Sot e vizitova aeroportin e Prishtinës dhe bashkëbisedova me bashkatdhetarët tanë, të cilit porsa kishin ateruar dhe po prisnin ta merrnin bagazhin dhe të shkonin në vendlindjen e tyre. Bashkëbiseduam për shërbimet në aeroport, por gjithashtu edhe për shpresat e tyre për të ardhmen. Qeveria e Republikës së Kosovës së fundmi ka marrë një vendim që i inkurajon bashkatdhetarët tanë të angazhohen për gjashtë muaj në Ministrinë e Punëve të Jashtme dhe Diasporës, në kuadër të programit të diplomacisë qytetare”, ka thënë Kurti.
Ai tha se roli i mërgatës kosovare në çlirimin e Kosovës ka qenë shumë i rëndësishëm.