Kuvendari i PDK-së në Prizren, Getoar Besimi, kërkon mbajtjen e një seace të jashtëzakonshme të Kuvendit.
Sipas tij, në këtë seancë duhet të diskutohet për dëmet e shkaktuar nga breshëri.
Postimi i plotë
Pandemia e COVID/19 shkaktoi dëme gjithandej! Mund të themi në çdo sferë të jetës.
Por dua të tërheq vëmendjen tek bujqit punëtor të cilët gjatë pandemisë kanë pasur vështirësi të thellë për ti shitur produktet e tyre bujqësore. Kjo pasi që tregjet kanë qenë për një kohë të gjatë të mbyllura.
Tani, kur i shtohet edhe breshëri i djeshëm që shkaktoi dëme të mëdha kryesisht në rajonin e Anadrinisë, pa anashkalu edhe rajonet tjera në Komunën e Prizrenit, mund të them se gjendja u rëndua edhe më tej për sektorin e bujqësisë.
Duke parë këtë situatë, në cilësinë e Anëtarit të Kuvendit te Prizrenit, kërkoj që të mbajmë një seancë të jashtëzakonshme në të cilën të diskutojmë mënyrat e zgjidhjes së kësaj sfide.
Propozoj që njëra nga mënyrat që mund të stabilizonte këtë gjendje është që të ndahet nje shumë buxhetore edhe nga niveli lokal në ndihmë të bujqve.
Propozoj gjithashtu që gjatë kohës deri kur të organizohet mbajtja e seancës së Kuvendit të Prizrenit, komisionet e krijuara nga Komuna të punojnë për të vlerësuar dëmet dhe kështu të jenë në gjendje të përpilojnë raportet financiare për të i kompenzuar bujqit e dëmtuar.
Ftoj të gjitha partitë politike për një konsensus, konsideratë dhe unitet në të tilla situata të jashtëzakomshme.
Të mbështesim dhe të ndihmojmë punën e palodhshme te bujqve tanë.
#mebujqit