Kuvendi Komunal i Rahovecit mbajti sot mbledhjen e parë për vitin 2016, ku janë diskutuar nëntë pika të rendit të ditës. Me këtë rast, janë aprovuar Draft Plani i Veprimit për Transparencë, si dhe Draft Rregullorja për Transparencë.
Në mbledhje kanë marrë pjesë dhe kryetari i Komunës, Idriz Vehapi; nënkryetari Xhemali Haxhimustafa dhe kryesuesi i Kuvendit, Nahit Elshani.
Draft Planin e Veprimit për Transparencë e ka arsyetuar dhe elaboruar nënkryetari Haxhimustafa, duke thënë se ky dokument ka ardhur si produkt i kërkesës nga Ministria e Pushtetit Lokal, ku komunat obligohen të aprovojnë Plan Veprimin në fjalë. Ai tha se ndërkohë ky Plan Veprimi është përmirësuar dhe plotësuar me vërejtjet dhe sugjerimet e anëtarëve në mbledhjen e Komitetit për Politik dhe Financa.
Kuvendarët kanë aprovuar sot në parim Draft Rregulloren për Transparencë, të cilën para kuvendarëve e arsyetoi drejtori i Drejtorisë së Administratës të Përgjithshme, Sali Sallteku, i cili tha se aprovimi final i kësaj Rregullore do fuqizohet pas daljes në konsultim publik.
Kuvendi Komunal ka aprovuar edhe planin e Punës së Drejtorisë për Inspeksion, për çka drejtori Muhamet Behra, thotë se përkundër sfidave që kanë ekzistuar në punën e inspektorëve, këta të fundit e kanë kryer punën me sukses dhe ndërgjegje të pastër.
Po ashtu gjatë mbledhjes së mbajtur sot është bërë Shqyrtimi dhe aprovimi i Draft Rregullores për dhënien e lejeve mjedisore komunale dhe Rishqyrtimi i Vendimit të Kuvendit të Komunës së Rahovecit 01 Nr. 223/15 të dt. 09.12.2015,
Shqyrtimi i kërkesës së N.T.H. “Mowenpick” nga Rahoveci, u la për mbledhjen tjetër të Kuvendit, ndërsa është refuzuar Shqyrtimi i kërkesës së Razija Kryeziu nga Rahoveci.