20.8 C
Prizren
E diel, 14 Shtator, 2025

Ky është i shumëkërkuari nga policia që u kap dje në Prizren

Pas shumë kohësh në arrati, Policia ka arritur të arrestojë një 42-vjeçar nga Prizreni, i dënuar për gjashtë raste të vjedhjeve.

Sipas burimeve brenda Prokurorisë bëhet fjalë për G. B. i cili po kërkohej në bazë të gjashtë urdhërarresteve të lëshuara nga Gjykata Themelore në Prizren.

I njëjti u prangos në shtëpinë e tij, në orët e para të mëngjesit dhe më pas u shoqërua në stacion policor.

I arrestuari është i dënuar me 3 vite e 3 muaj burgim, për gjashtë raste.

Ai është shpallur fajtor për katër raste të vjedhjeve të rënda dhe dy raste të vjedhjeve të rënda në tentativë, që akuzohet t’i ketë kryer në periudha të ndryshme.

Sinjali mëson se pas përfundimit të procedurave në Polici, 42-vjeçari është dërguar në Qendrën e Paraburgimit në Hajvali, për ta vuajtur dënimin.

Më Shumë

Hendbollisti Lulzim Shabani i bashkohet Rahovecit

Klubi i Hendbollit Rahoveci ka bërë një përforcim të rëndësishëm në prag të sezonit të ri, duke zyrtarizuar transferimin e hendbollistit të njohur të...

Babai i Elvis Rexhbeçajt dhuron topa dhe pajisje sportive për Drinin e Bardhë

Rexhë Rexhbeçaj, babai i futbollistit të Kombëtares së Kosovës dhe skuadrës gjermane, Augsburg, Elvis Rexhbeçaj, ka dhuruar për Drini i Bardhë topa futbolli dhe...

Lajmet e Fundit